الريحان

الريحان

الريحان نبات محبب لكافة الناس نظراً لرائحته الزكية و التي تبعث السرور في نفس الانسان . و بالرغم من ذلك إلا أنه له فوائد طبية كثيرة .

سمى الفراعنة الريحان بــ ( ست ) و في اليمن يسمى ( الحابي ) و أيضاً بشجرة الرعاف و في الجزيرة العربية يسمى ( حوك ) و يسمى في المغرب ( الآس ) و في العراق والشام ( الحبق ) .

الفوائد الطبية :

1- قاطع للإسهال الصفراوي

2- مفرح للقلب تفريحاً شديداً 

3- مقو للأعصاب 

4- طارد للأرق 

5- مدر لحليب المرضع

6- يجلو قشرة الرأس

 

البابونج

البابونج

الفصيلة : يتبع لفصيلة المُركبات  Compositae

الجزء الطبي : رؤوس الأزهار 

المواد الفعالة :

1- الزيت الأزرق أزولين

2- مادة أنثاميدين

3- حامض الأنثاميك

4- مادة ماتريكارين

الأستعمالات الطبية الداخلية :

1- مخفض للحرارة 

2- مضاد للتقلصات 

3- لمساعدة الإفرازات المعدية و الصفراء 

4 - مدر للبول 

5- يفتت الحصى 

6- يزيل الغازات من الجهاز الهضمي 

7- يذهب الإعياء و التعب 

8- ينقي الصدر 

9- يقوي الأعصاب 

10- يقوي الدماغ 

11- يجلب النوم

الاستعمالات الطبية الخارجية : 

1- ينفع في علاج الجرب 

2- دهن البابونج يفتح الصمم

3- يفيد في التهابات الجلد الرطبة 

الهاشميون

الهاشميون عبر التاريخ

نسب الهاشميون : يرجع نسب الهاشميون لإلى عمرو بنت عبد مناف الملقب بــهاشم , و من سلالته الرسول (صلى) , و يعود نسبهم إلى قريش التي تعود في نسبها إلى سيدنا إسماعيل ابن سيدنا إبراهيم عليهما السلام .

و يرتقي نسب الهاشميون في المملكة الأردنية الهاشمية إلى سيدنا محمد ( صلى ) عن طريق ابنته البتول فاطمة الزهراء - رضي الله عنها - و زوجها علي بن ابي طالب - ابن عم الرسول ( صلى )  و رابع الخلفاء الراشدين . و قد رزق علي و فاطمة رضي الله عنهما بسبطي رسول الله ( صلى ) الحسن و الحسين رضي الله عنهما , و من نسلهما الشريف ظهر ما يُعرف في التاريخ بـــ :

1- الأشراف و هم أحفاد الحسن , الابن الأكبر للإمام علي رضي الله عنهما .
2 - الأسياد  و هم أحفاد الحسين , الابن الأصغر للإمام علي رضي الله عنهما .

و قد توالى على حكم منطقة الحجاز عائلات مختلفة من الأشراف الهاشميين في الفترة التاريخية الممتدة من ( 967 - 1201 ) م ، إلا أن الفرع الهاشمي ( الأشراف ) ، الذي ينحدر منه جلالة الملك عبدالله الثاني كان قد حكم مدينة مكة المكرمة منذ عام ( 1201 حتى عام 1925 ) م على الرغم من كونها جزءاً من الدولة العثمانية منذ عام 1517م .

و بذلك فالعائلة الهاشمية تمثل ما ينوف على الألف سنة من الحكم في المنطقة ، و حوالي الألفي عام من الوجود المسجل في مكة ، و هي بذلك من الأسر العريقة في العالم . 

لاقووو حل يا جماعه

بدناش نلاقي حل لإسم علاء و الاء بالانجليزي ؟!
الاسمين بكتبوهم ala'a ..
واحنا علينا نحزر ونتوقع ونستنتج ونستخير!!
اي والله هالاسم خششني بالحيط مليون مره ..
والمشكله كل اللي اسمهم الاء او علاء (انجليزي) بتكون صورة بروفايلهم غامضه .. محيرة ،، مُربِكة ،، عليها رصد ،، مش مبينه شب ولا بنت .. بحسهم قاصدين هالقصه او ابصر كيف !!
يعني مش حلوة بحقي الصراحه اقعد احكي مع ( ala'a ) وابعتلها اغاني وابعتلها صورتي عالبرنده وازبط كتابتي معها واختصر النجوم والتووت واعمل حالي فايع واحكيلها انو احنا طابخين كنتاكي مع انو اكون حاطت صحن ( المجدّرة ) قدامي وبتسلى فيه ، وبفصل الرز عن العدس ..
ومش حلوة بحقي اقنعها انو كل اواعيي من ماسيمو دوتتي .. وانا زبون ببالة العبدلي و بستنى بلوزتي لتنشف عالحبل مشان البسها ..
ومش حلوة اضل اكتب هههههه عشغلات كتير زنخة بتكتبها !! ومش حلوة احكيلها اني عم بحكي معها من الآيباد تبعي مع اني شابك من موبايلي وواقف عطرف البرنده مشان اقدر اسرق وايرليس .. واقولها بدي اطلع اشم هوا عالبرندة مع اني طالع عالسطح اشوف تنك المي ازا تعبّى مشان اطفي الماتور ..
بالاخير اكتشف اني بحكي مع شب اسمو علاء ويبعتلي صورتو بالشبّاح بقهوة الغندور بالعقبه ،، ولابس زنوبه واصابع رجليه طالعين منها وخابطين بالارض والصورة نفسها عرقانه من الشوب !!
بنفس الوقت مش حلوة اكون احكي مع ( ala'a ) واحكي بلغتي الشوارعيه .. ويا كبير ويا غالي .. ونص كلامنا تووووت و زائد تمن طعش .. ولما يسألني شو بتعمل اقولو بتفرج عموقع *** (اللي لون خلفيتو كُحلي) .. و مش كتير ارد عليه واطنشو وكل نص ساعة ارد بكلمة .. وما اشيلو من ارضو .. ولما بالغلط بالغلط اطلب صورتو .. يبعتلي صورتو يطلع بنت احلى من ليلة العيد زمان .. احلى من اخر حصة يوم الخميس بالمدرسة زمان ..
شو اساوي بالحالة هاي انا ..
لاقووو حل يا جماعه

اخي الشاب العزيز

اخي الشاب العزيز ،،
اذا شايف حالك كذاب و نسونجي و خاين ومعكاش ليرات وعليك ديون ( زي حالاتي )
تتجوزش ،، تفوتش هالفوته كلها ملكاش مصلحه !!
بزبطش تظلم هالبنت معك وتنشفلها دمها ،، الزواج طلع قصه كبيره عمي مش مزح ،، مسؤولية و جو زنخ وقصص عيله ومن هالحكي !
انسى ما الك مصلحة ،، طلع الزواج الو طقوس خاصه ملناش عليها ،، مش ناقصنا دعاوي ،، وحسبي الله فيك وهالقصص ،، وفرلي عحالك هالقصص واصبرلك شوي لتشوف حالك قادر عهالمعركة خش عليها وتجوز ،،
يعني الزواج مش بس شسمو ،، طلع فيه قصص اكثر من الشعب الصيني !!
حتى قصص العزايم الها تقاليد ،، اهلك اول ،، واهلها ثاني ،، و في نظام معين ،، ولا سهر ولا صحاب ولا بطيخ ازرق ،، ولازم تحب مرتك وقصص طولة البال هاي ،، والخاتم واحترام العلاقه الزوجيه ،، الزواج بدو ( صرّاف آلـي ) سيدي ،، بدك تضل تدفع ،، اما هسا وانتا عزابي عادي تنام بدون مصاري ،، واكبر همك بكيت الدخان ،، سيبك من قصص الهدايا ،، وعيد ميلاد اخت مرتك ،، وطهور ابن خالة حماتك ،، و خطبة اخت بنت عديلك !!
واللي رح ينط ويقولي حب ،، بدي اقلو يزم حب مين يا غالي ؟! حب امك يا كبير ،، وخلي حبيبتك تضل تحب كاظم ووائل كفوري احسن من الحكي الفاضي !
- بالنسبه للجماعه اللي رح يكتبو كومنتات فيها دليل من القرآن الكريم ،، كلامكم صح و طبعا الرزق ع الله ،، معكو حق ١٠٠٪ ،، بس انا بحكي عن واقع حياة حاليه !
احنا مش قد هالقصص لا مالياً ولا فكريًا ولا اجتماعيًا ولا نفسيًا ولا اسماعيل ياسين !
هسا رح يجي واحد متجوز يقلي :
اخي انا صارلي متجوز ٣ سنوات والحمدلله مبسوط جدًا مع زوجتي والامور تمام والزواج المبني عالاحترام والمثاليه ناجح !
وانا حاب اقولك انتا كذاب سيدي ،، انتا كتبت هيك لأنو مرتك مراقبيتك ،، انتا من جوى مخنوق ،، انتا بدك تنفجر ،، لا مبني ولا مجرور حبيبي ،، سيبك من هالقصص ،، انتا لولا كاتب عحالك ٥ الاف متأخر ولا كان من زمان خلعت يا غالي !
اسفين عالإطاله ،،
يلا بالرفاه والبنين باي

زمان اشتريت بسكليت

زمان اشتريت بسكليت ،، بعد تحويش ٣٥٠ سنه ،،
كنا نشتري البسكليت مشان ننزل عالساحه الهاشميه نأجر عليه الولاد ،، اللفه بشلن ،،
مره اجا عليي شب كبير ،، قلي بكم اللفه يا كبير ،، انا شفتو كبير ،، حكيتلو اللفه ببريزة ،، قلي خود هي ربع ليره ،، بدي لفتين ،، انا كيفّت !!
المهم انو الشب لهسا بيلّف
راح و مرجعش ،، شفتو من بعيد هارب بالبسكليت ،، ومقدرتش احكي اشي ،، اجو الولاد يسألوني ولك شكلوو هرب ؟!
انا مشان الاحراج ،، اضحك و اقولهم لا هههه هسا بيجي ، هوه حكالي انو بدو يطول شوي
صارت الدنيا المغرب ،، وانا قاعد عالرصيف و بستنى ،، الدنيا اسودت بوجهي ،، و كل الولاد عرفو ،،
وروحت عالدار الكل عارف ،، و ما حدا وقف معي الّا امي ،، وقالتلي منيح انو ما صارلك اشي !!
الكل كان شمتان ،، اللي يقولي اعطيني لفه ،، واللي ي قولي هيو هيو البسكليت ( ويرفعلي اصبعو اللي بالنص ) ،، واللي يقولي هسا بكون بسكليتك انباع قطع !!
معقول الشب لهسا بيلف ؟! معقول باعو ؟! أريد دراجتي الهوائيه
خلص باي

في اغنية كانت زمان اسمها :

في اغنية كانت زمان اسمها : البسمة ترسمت شفافه ،، شفااافااااا والضحكة ترسمت بِـلطافه .. بـ لطااافااا وفي اغنيه ايضًا اسمها : بتكملم جد ،، جد!! مـ تقولش لحد ،، حد!! كان لما يخش راغب علامه بشواربو ويقول : 

مغرم يا ليل ،، يا ليلي ،، مغرم يا ليل بسهر الليل !!

وابو دياب لما يقول : من كم سنه وانا ؟! ميال ميال وفحبك انا ،، مشغول البال ،، لا بتتكلمي ولا بتسلمي وبكل يومين بلاقيكي بحال ،، طب دنا ميال !! ميال ميال ! انا زمان كنت احب ( ريم بندلي ) و كنت اكتبلها رسائل وارميها من الشباك ،، المشكله الشباك كان يطل عالحوش ،، و قال بس اشوف الرسائل بعدها مكانها ،، ازعل من ريم بندلي انو ليش ما اخدتهم ،، و ابطل اسمعلها ،، مره كتبتلها : انا بغسل وشي كل يوم مشان اغنية غسل وشك يا قمر ،، شكرا الك ريم البندلي ،، انا بحبك كتير ! طب بالايام هاي لو بدي اكتب رساله لـ هيفا وهبي !! شو بدي اكتبلها !! البراءه زمان كانت جد براءه ،، يعني بالايام هاي الولد الصغير بيفوت عالتويتر ،، وبيغّرد هوه و اليسا و بيقلها بحبك وبتقلو مواه و عادي ! اي زمان و انا بالصف ،، كان في خيط ابيض ع تنورة المعلمه ،، كلنا بالصف خجلانين و روسنا بالارض ،، وبندعي انها تنتبه وتشيل الخيط ،، بالاخير من كتر ممشيت وقع لحالو !