( هناك شيئ مشترك بيني وبينك )
( هناك شيئ مشترك بيني وبينك ) يا جماعة الجملة هاي بحكوها بالأفلام الأجنبية .. شب بحكيها لبنت أو بالعكس !! بس بعديها بحبوش بعض !!! إنو عادي ،، مش شرط يخطبو ويتجوزو بعديها !! و يتطلقو لما يكتشفو انو الإشي المشترك اللي بيناتهم هووو الوحيد المشترك و اجا بالصدفه !!مشان هيك ايها الشعب الأسباني إذا انا بحب فصل الخريف ،، و بنت عمة أبوي برضو بتحب فصل الخريف ،، هاد يمكن لأنو فصل الخريف حلو ،، مش في اشي مشترك بيني و بينها ولازم نروح على شارع الرينبو و نوقف عند منطقه بتطل عالبلد و نمسك ايدين بعض ونقول ،،لم نكن نتوقع اننا سوف نجتمع ،، لقد جمعنا فصلُ الخريفِ ،، بحبك مواه !!!حدا فاهم عليي ؟! هههههههههههههههههههه
مرة زمان نمت بالصف بعد الحصة الخامسه .. لقيت ولاد الصف سارقين شنتتي وحاطينها بصف تاني والكل حلف انو ما بيعرف وينها !! وفي واحد منهم من كتر مـ حلف انو مش هو ،، شرايينو بدهم ينفجرو من شدة الايمان وهو بحلف ،، وحياة الكعبة والمصحف والرسول يا استاذ مهو انا !! طلع هو !!! بعد القصة اجيت عليه بقولو يزم دبحت حالك وانتا تحلف ،، وشوي بدك تمسك سيف وتغزو الروم وانتا بتحلف ،، وطلعت انتا!!!!قلي لا منا كنت لما احلف اقول بعدها بصوت واطي كلمه ،، يعني : يا استاذ وحياة الله مهو انا ،،، اللي طلعت عالقمر ( بصوت واطي ) ،، قلي يعني انا مستحيل اكون طلعت عالقمر !! زمان واحنا صغار ،، كنت اوقف مع واحد بالحاره جايين من السعوديه و غشيم .. كنت اقعد ٣ ساعات اسب عليه ،، ولما يسألني اقولو هيني بأشر بأصبعي عالارض يعني عالشيطان !! مشان هيك لما كنت اسب عليه مسبة قوية ،، عالسريع هو يتفرج ع اصبعي يلاقيني بأشر عالارض ، يتطمن ويوخد نفس انو ارتاح انها مش عليه المسبه !!الهدف من هالقصه المسائيه : تخبى منيح ،، إجاك الريح
ليست هناك تعليقات:
إرسال تعليق
تعليقك يهمنا :)